Presidenti Ilir Meta në një rrëfim të rrallë për emisionin “Opinion” ka treguar edhe për njohjen me Monika Kryemadhi dhe raportet me të.
Ai është shprehur se për herë të parë Kryemadhin e ka takuar ditën që shkoi për të takuar Musa Ulqinin dhe është lidhur me të pas 2-3 vitesh.
Për sa i përket raporteve me të, pasi të dy janë në politikë, Meta tregon se gjithmonë kanë patur mosmarrëveshje në pikëpamjen e bindjeve, ndërsa shton se vitet me Kryemadhin nuk kanë qenë të lehta por tyë mbushura me gngjarje.
Pjesë nga intervista:
Fevziu: Kur e keni takuar për herë të parë Monika Kryemadhin?
Meta: Atë ditë që shkova takova Musa Ulqinin.
Fevziu: Pse u lidhët me të?
Meta: Jam lidhur pas 2-3 vitesh. Ka qenë shumë interesante, sepse ajo ishte 16 vjeçe dhe mori përsipër të sillte më shumë njerëz nga të gjithë. Askush nuk e mori parasysh se kjo mund të ndodhte, por ndodhi që shkolla “Petro Nini” atë ditë la shkollën dhe erdhi në Pallat të Kongreseve.
Fevziu: Është e lehtë që në në një familje të dy të merren me politikë?
Meta: E lehtë nuk është, por kjo ka ndodhur natyrshëm nuk ëshë e sforcuar.
Fevziu: Tani që ajo është drejtuese e LSI, keni mosmarrëveshje?
Meta: Gjithmonë kemi patur mosmarrëveshje në pikëpamjen e bindjeve, sepse të dy jemi shenja e dashit.
Fevziu: Kanë qenë të vështira këto vite me Monika Kryemadhin?
Meta: Të lehta s’kanë qenë, por kanë qenë të mbushura me ngjarje.
Fevziu: Ka ndodhur që s’ju pyet?
Meta: Ka ndodhur, siç ishte djegia e mandateve kur unë isha në Gjerjmani.
Fevziu: Vazhdoni të jeni kundër?
Meta: Jam kundër lënies së fushës bosh.
