Shefja e Survejancës dhe Shërbimit të Inteligjencës Epidemike në ISHP, Eugena Tomini konfirmoi se deri më tani nuk është evidentuar asnjë rast në vendin tonë me mutacionin e ri të Covid-19.
Në emisionin “Log”, Tomini tha se nëse kjo monstër do ishte hasur do ishte transportuar në Berlin ose Londër, aty ku është binjakëzimi i laboratorit të referencës.
“Deri tani nuk është dedektuar asnjë monstër apo nëpërmjet diagnozës së PCR-së, e dyshimtë për kundrejt virusit covid-19. Nëse do të kishim dyshime, monstra transportohet në Berlin dhe Londër, ky është binjakëzimi i laboratorit të referencës. Deri tani nuk ka rezultuar asnjë e dyshimtë, që është brenda linjës së koronaviruseve, por nuk konfigurohet si covid-19 dhe nëse do të shfaqet sigurisht bëhet dërgimi direkt në këto laboratorë referencë”, tha Tomini.
