Një aksident masiv ka ndodhur në rrugën Prishtinë-Mitrovicë.
Bëhet me dije se në aksident janë përfshirë 15 makina dhe si pasojë kanë mbetur të plagosur 15 persona.
Lajmin për aksidentin masiv e ka bërë me dije zëdhënësja e Policisë së Kosovës për rajonin e Prishtinës, Flora Ahmeti.
“Me datën 28.12.2020 rreth orës 07:30 në rrugën Prishtinë – Mitrovicë saktësisht në fshatin Shkabaj, kanë ndodhur pesë aksidente komunikacioni rrugor, prej tyre tre me lëndime. Të përfshira gjithsej janë 15 automjete. Bazuar në të dhënat fillestare ndihmë mjekësore deri tani kanë kërkuar 15 persona”, deklaroi Ahmeti.
