Nga selia blu gjatë një bashkëbisedimi me gazetarët për situatën e pandemisë në vend, kreu i Partisë Demokratike Lulzim Basha u bëri thirrje qytetarëve që të tregohen të kujdesshëm.
Basha tha se ai për asnjë moment nuk e ndan maskën nga vetja, ndërsa thotë se e mban edhe si sinjal për t’u treguar shqiptarëve se kjo nuk është lojë.
Kryedemokrati i bëri edhe njëherë thirrje qeverisë dhe kryeministrit të marrin masa urgjente, pasi sipas tij është humbur kontrolli ndaj pandemisë.
“E ka humbur kontrollin qeveria ndaj pandemisë. Po i kërkoj të lërë urgjentisht çdo gjë tjetër. Të shkulet nga Instgrami dhe FB, T shkulet nga ekranet dhe të bëjë atë që i kërkon ligji.
Ju bëj thirrje të mbroni veten dhe familjarët tuaj. Unë nuk e ndaj maskën në asnjë moment. E bëj edhe për ti dhënë një sinjal çdo shqiptari që kjo nuk është lojë. Po të kishim një qeveri të përgjegjshme do ju thoja prap kujdes maksinal. I kërkoj edhe njëherë sot të marrë masat urgjentisht masat për të mbrojtur jetën dhe shëndetin e njerëzve, të grihet në nivelin e detyrës. Gjithçka tjetër shkon e vjen”, tha Basha.
I pyetur se si do të vepronte nëse do të ishte sot kryeministër, Basha tha se hapi i parë është rritja e numrit të testimeve. Sipas kreut të demokratëve kjo është e vetmja mënyrë për të ndërprerë zinxhirin e infeksionit.
“Do të shtoja urgjentisht testimet. I kërkoj 2500, por vetë do të kisha bërë 5 mijë testime në ditë. Vendimi i parë që do kisha marrë do të ishte rritje dramatike të numrit të testimeve. Do të fusja në këtë betejë të gjitha kapacitet mjekësore. Spitalet rajonale të trajtonin të sëmurët pa i sjellë të gjithë në Tiranë. Vendimi tjetër që do kisha marrë, do të ishte urgjentisht bonusi për mjekët dhe infermierët”, tha Basha.
