Humbi zgjedhjet, por a mundet që Donald Trump të humbasë edhe gruan e tij? Prestigjiozja britanike “Daily Mal” shkruan sot një artikull me titullin “Melania Trump po ‘numëron minutat deri në firmosjen e divorcit’ kur Donald të largohet nga Shtëpia e Bardhë pas martesës së tyre 15 vjeçare”.
Për këtë, ‘Daily Mail’ i referohet deklaratave nga një ish-ndihmëse e Zonjës së Parë.
Bëhet fjalë për Omarosa Manigault Newman, e cila citohet të ketë thënë se martesa 15-vjeçare e Donald dhe Melania Trump kishte ‘mbaruar’ dhe “Melania po numëron çdo minutë derisa ai të dalë nga zyra dhe ajo të mund të divorcohet”.
Pse nuk u divorcuan më herët?
Duke iu përgjigjur kësaj pyetje, ish-ndihmësja tha se Donald Trump do të kishte gjetur një mënyrë për ta “ndëshkuar” nëse ajo do të ishte larguar prej tij ndërkohë që burri i saj ishte ende në detyrë.
“Nëse Melanie Trump do të përpiqej të largohej, ai do të gjente një mënyrë për ta ndëshkuar”, u citua të thoshte ish-ndihmësja nga Daily Mail.
Daily Mail shkruan se në vitin 2016, Melania Trump kishte shpërthyer në lot kur Donald Trump fitoi zgjedhjet presidenciale.
“Ajo nuk e priste kurrë që ai të fitonte”, ka deklaruar një mike e Melania, sipas mediave të huaja.
Stephanie Wolkoff tha që tani, Melania Trump po negocionte një marrëveshje për pjesën e pasurisë që do të marrë Barron, shkruan Daily Mail.
