Igli Tare, është prezantuar sot zyrtarisht si drejtori i ri sportiv i Milanit, duke nisur një kapitull të ri në karrierën e tij si drejtues futbolli. Lajmi është konfirmuar nga vetë klubi kuqezi përmes një njoftimi në rrjetet sociale.
Tare ka nënshkruar një kontratë dyvjeçare, ndërsa vetë e cilësoi këtë hap si një “burim krenarie dhe përgjegjësie të madhe”.
“Kalimi në një klub si Milani është një burim krenarie dhe përgjegjësie të madhe. Falënderoj klubin që më besoi këtë rol.
Klubi e di vendosmërinë time të madhe dhe dëshirën time për të bërë mirë duke vënë të gjithë përvojën time në shërbim të një klubi të madh që ka objektivin absolut të rikthehet në protagonist në Itali dhe Evropë”, tha Tare.
