Sot po zhvillohet etapa e dytë e Turit të 82-të Çiklistik të Shqipërisë, që do të lidhet me distancën 188 km nga Shkodra në Elbasan.
Ky eveniment mbledh 15 skuadra dhe 96 sportistë, të cilët do të luftojnë për fitore në nivel individual dhe ekipor në këtë aktivitet me rëndësi të madhe për sportin shqiptar.
Garat do të ndihmojnë për të identifikuar fituesit pas 5 etapave, të cilat së bashku do të kalojnë 763 km.
Policia e Shtetit ka shpallur masat e sigurisë për mbarëvajtjen e Turit të 82-të Çiklistik, i cili zhvillohet në pesë etapa në qytete të ndryshme të Shqipërisë.
Për sigurinë e këtij aktiviteti, Policia kërkon mirëkuptimin dhe bashkëpunimin e qytetarëve, duke i ftuar ata të shmangin kalimin në rrugët ku do të zhvillohet gara, sipas orareve të mëposhtme:
ETAPA E DYTË
Datë 27.05.2025.
Rruga “Zogu i Parë” deri në dalje të Shkodrës, nga ora 11:40 deri në orën 12:15
Rruga Shkodër – Balldre, nga ora 12:00 deri në orën 12:45
Rruga Balldre – Thumanë, nga ora 12:15 deri në 13:30
Rruga Thumanë – Maminas, nga ora 13:00 deri në orën 14:15
Autostrada Maminas – Durrës, nga ora 14:00 deri në orën 15:00
Autostrada Durrës – Rrogozhinë, nga ora 14:30 deri në orën 15:30
Rruga Rrogozhinë – Elbasan, nga ora 15:00 deri në orën 16:00
Bradashesh – unaza e qytetit Elbasan, nga ora 15:30 deri në orën 16:00.
