“Shqipëria në shkrimet e udhëtimit të periudhës paskomuniste (1990-), quhet konferenca ndërkombëtare organizuar nga Departamenti i Gjuhëve të Huaja dhe ai i Gjuhës Shqipe dhe Letërsisë, në Fakultetin e Shkencave Humane, Universiteti Ismail Qemali, Vlorë, mbajur në kuadër të projektit “Shqipëria në shkrimet e udhëtimit të periudhës paskomuniste (1990-)”, financuar nga AKKSHI, Agjencia Kombëtare e Kërkimit Shkencor dhe Inovacionit.
Koordinuar nga prof. as. Armela Panajoti, me pjesemarrje të një grupi kërkuesish nga të dy departamentet, projekti vë në vëmendje gjithë korpusin shkrimor, fizik dhe online, të botuar për Shqipërinë, në gjuhë të ndryshme, pas viteve 1990. Konferenca ishte pjese e aktiviteteve përmbyllëse të projektit. Ajo bëri bashkë kërkues vendas dhe të huaj, të cilët ndanë me njëri-tjetrin punime nga qasje të larmishme dhe shumë interesante.
“Janë të lidhura ngushtë me orientimin e drejtë që Universiteti Ismail Qemali I Vlorës ka marrë këto vitet e fundit në lidhje me hapjen e tij me zhvillimin e tij, me bashkëpunimin e tij me synimet e qarta të tij drejt ndërkombëtarizimit. Pra të gjitha argumentet, ccështjet e kësaj konference i shoh të lidhura ngushtë me aktualitetin dhe me orientimin e drejtë që ne si universitet i Vlorës, e them pa drojtje fare me plot gojën jemi një pol i rëndësishëm i zhvillimit të jugut të Shqipërisë, si një nga universitetet më të rëndësishme të vendit që po marrin drejtimin e duhur të themi. Dhe kjo konferencë është një nga gurët e shumtë që po ndërtojnë atë murin solid të universitetit të Vlorës” tha Frosina Londo, Zv.Rektore e Universitetit “Ismail Qemali”, Vlorë.
Ndërsa Armela Panajoti, Dekane e Fakultetit të Shkenca Humane dhe Drejtësisë, theksoi: “Në kontekstin post komunist, në kontekstin post-pandemik, hulumtimet e spikatura tregojnë, se shumica e shkrimeve mbi udhëtimet në Shqipëri, shumica të bëra të njohura nga avancimi i teknologjisë së informimit dhe komunikimit që po zhvillohet edhe në Shqipëri, të cilat ndikojnë në rritjen e turizmit ne mund të vëmë re se të shkruarit mbi Shqipërinë ka ndryshuar, sidomos në mediat on line. Prodhimi i një larmie shkrimore, për nga lloji, forma, gjuha dhe mjetet e përdorura, ka shtruar dhe shtron nevojën për qasje të reja metodologjike për studimin e tyre. Pikërisht ky ka qenë shqetësimi ynë në propozimin e këtij projekti dhe jemi të keënaqur që shtrohet edhe në larminë e punimeve të paraqitura në konferencë”.
Folëse kryesore në këtë konferencë ishte Olimpia Gargane, albanologe shume e njohur, Université Nice Côte d’Azur (FR), e cila përmes një qasjeje krahasuese solli për të pranishmit imazhet e Shqipërisë në sytë e publikut/lexuesit të huaj para dhe pas viteve ’90.
“Për këtë konferencë ndihmojnë shumë kërkimet në krijimet artistike në përgjithësi por dhe ato në rrjetet sociale tëiteri dhe bloget, gjuha e krijimeve mund të jetë anglisht, gjermanisht, italisht dhe frëngjisht. Shohim se ka nocione të përsëritura për Shqipërinë. Cdo me thënë të përsëritura. Unë kam bërë kërkime në rrjetet sociale, kam kërkuar në bloge dhe sipas rendit të tekstit përsëritjet rregullojnë shprehjet. Pra, le të shohim një shembull.
“Shqipëria një vend i panjohur” dhe është shprehja më e përsëritur. Kjo është marrë nga një artikull 2022 në një ëebsaid francez multimedial, si dhe “Shqipëria një shtet i panjohur” marrë nga një libër i vitit 1915, “Shqipëria e Panjohur” një libër pra francez udhëtimesh. Në vitin 1915 nuk kishte shumë për të folur për Shqipërinë e asaj kohe, sic dihej ishte shumë e varfër, e pa zhvilluar, mënyra se si burrat trajtonin gratë, mentaliteti”, shpjegoi Olimpia Gargano, kërkuese shkencore, Université Nice Côte d’Azur (FR).
E ftuar në konference ishte edhe Gillian Gloyer, autore e librit Albania: The Bradt Travel Guide, e cila përcolli pershtypjet dhe nxitjen e saj për të shkruar këtë libër.
“Unë jetoja në Tiranë që nga viti 1998, përfaqësoja Institutin Kombëtar Demokratik me qendër në SHBA. Isha mësuar të mos kisha energji elektrike, të mos kisha ujë, duhej një ditë e tërë për të udhëtuar nga Tirana në Gjirokastër ose në Korçë. E vetmja rrugë e mirë ishte autostrada e re Tiranë – Durrës. Pak kohë më parë Vlora kontrollohej nga bandat e armatosura. Le të themi se vetëm në vitin 2002, Shqipëria ishte një destinacion i dukshëm turistik. Sidoqoftë, për ata udhëtarë të guximshëm që arritën të gjenin rrugën e tyre këtu kishte gjëra të mrekullueshme për të parë dhe për të bërë. Në vitin 2002 më duhej të lija punën këtu dhe po ju ankohesha miqve shqiptarë se nuk ka asnjë informacion për ata që duan të vijnë në Shqipëri. Ku duhet të shkonin? Si mund të arrinin atje? Çfarë mund të bënin? Dhe më e rëndësishmja, ku mund të hanin dhe të flinin? Një nga këta miq më tha, mirë, kur ju mendoni se është kaq e rëndësishme të kesh një libër udhëzues, pse nuk e shkruani një?”, tha Gillian Gloyer, autore e librit të përditësuar Albania: the Bradt Travel Guide.
Lektori Ermir Xhindi, nga Departamenti i Gjuhës Shqipe dhe Letërsisë, pjesë e grupit kërkimor të projektit bëri një rezyme të shqetësimeve hulumtuese të ngritura përmes këtij projekti, solli një panoramë të aktiviteteve të realizuara dhe adresoi disa nga pikëpamjet e përdorura për ta qasur këtë problematikë.
Konferenca përfshiu 27 punime nga studiues të ndryshëm, të cilët trajtuan shkrimet mbi udhëtimet nga pikëpamje të ndryshme, duke nisur nga ato të letërsisë së udhëtimeve të shkruar, por dhe asaj të publikuar në media – blogje, vlogje apo media sociale. Janë këto shkrime që krijojnë imazhin për Shqipërinë, janë marketingu më i mirë i vendit tonë duke ndikuar direkte në zhvillimin e turizmit.
, quhet konferenca ndërkombëtare organizuar nga){kind=link}