Disa vende evropiane kanë hequr të gjitha kufizimet e udhëtimit për udhëtarët, përfshirë edhe për ata nga vendet e treta, pas uljes së rasteve me Covid-19. Deri më tani janë 11 vende të BE që nuk kanë asnjë masë kufizuese në fuqi.
Këto vende janë: Çekia, Danimarka, Hungaria, Islanda, Letonia, Norvegjia, Polonia, Rumania, Sllovenia, Suedia. Listës pritet t’i bashkohet dhe Greqia. Ministri i Shëndetësisë, Thanos Plevris tha se hyrja e lirë do të mundësohet duke nisur prej datës 2 maj.
Udhëtarët nga vendet jo anëtare të BE-së mund të hyjnë pavarësisht statusit të vaksinimit. Nuk do t’u kërkohet certifikatë për vaksinimin, shërimin apo testim.
Për të udhëtuar nevojiten vetëm dokumente identifikimi si pasaporta dhe viza, nëse është e nevojshme.
Gjithashtu për të hyrë në restorante, muze, teatro apo qendra tregtare nuk kërkohet certifikatë vaksinimi apo test.
