Në mbledhjen e sotme gazetarët bënë 5 propozime në lidhje me vendimin e ri që i ndalon atyre të jenë fizikisht të pranishëm në Komisionet dhe seancat plenare.
Gazetarët propozuan:
1. Gazetari të jetë në mbledhje të komisionit (pa stativ dhe pa kamera).
2. Gazetarë të jenë pjesë në komision, me modalitetin që me miratim të zyrës së shtypit mund të marrin pamje.
3. Gazetarët që marrin pjesë në komisione të kenë aparatet celularë të tyre.
4. Garda mos të shoqërojë gazetarët në ambientet e Kuvendit
5. Të lejohen kamerat në korridore.
Gjonçaj u shpreh se këto propozime do të shqyrtohen nga kreu i Kuvendit dhe Byroja dhe më pas do t’i kthehet një përgjigje gazetarëve.
