Të dielën në PD votohet për kreun e ri të Partisë Demokratike ose do të votohet për të mbajtur në kryesi Lulzim Bashën, i cili garon me 3 kandidatë të tjerë: Shehaj, Edit Harxhi dhe Fatbardh Kadilli. Sot është dhe dita e fundit e fushatës së tyre ndërsa nesër është heshtje zgjedhore, për t’u lënë kohë rreth 75 mijë anëtarëve të vendosin se për kë do të votojnë.
Fleta e votimit do të jetë kjo:
Anëtarët e PD do t’i drejtohen 76 qendrave të votimit në gjthë vendin. Lista e anëtarësisë u mbajt e mbyllur deri më sot. Komisioni Zgjedhor hapi listat e anëtarësisë së PD për votimet në prani të përfaqësuesve të kandidatëve për kryetar të PD. Pas hapjes së sistemit, degëve do t’u dërgohen listat e vulosura dhe me firmën e anëtarëve të Komisionit, përfshi dhe kandidatëve për kryetar të PD (janë emrat e 75067 anëtarëve të PD).
Ka pasur debate për këtë garë që nga zëra brenda PD është një farsë, apo lidhur me votimin që sipas eksponentëve brenda dhe jashtë PD kanë thënë se u është hequr e drejta rreth 28 mijë anëtarëve.
Debate hapi edhe deklarata e kryetarit të Komisionit Zgjedhor në PD Jemin Gjana i cili tha se janë identifikuar të gjithë ata anëtarë të PD që kanë bërë fushatë për kandidat të një partie tjetër para 25 Prillit. A itha se votën mund ta hedhin vetëm personat që kanë kartë anëtarësie dhe të përjashtuar nuk janë ata që s’kanë emrin në lista, por kanë kartë anëtarësie.
