Kryeministri Edi Rama ka shpërndarë në faqen e tij në Facebook disa prej momenteve kyçe të ushtrisë shqiptare në stërvitjen ushtarake “defender Europe 2021”.
Në fokus ka qenë batalioni i dytë i këmbësorisë. Përveç testimit të aftësive dislokuese në qendër të testimeve ka qenë edhe rritja e ndërveprueshmërisë ndër reparte.
Në pamjet shfaqen të gjitha momente kyçe, që nga marrja e urdhrave, e deri tek realizimi i detyrave për secilin ushtar.
Ndërkohë kryeministri Rama shkruan se, “Disa momente nga stërvitja më e madhe ushtarake në 3 dekadat e fundit në rajon, që po zhvillohet në disa baza të ndryshme në të gjithë Shqipërinë”.
