12.5 C
Tirana
Wednesday, June 16, 2021

Buy now

Çfarë po ndodh me ne?

Nga Ambra Baçuku

Të vegjël mësuam të rritemi krenarë dhe kokëlartë .Jemi bijtë e një populli të vogël, po me vlera të mëdha. Mësuam të krenohemi me historinë tonë, me faktin që ju mbijetuam pushtimeve të njëpasnjëshme, dhe ruajtëm gjuhën dhe traditat tona. Gjuha jonë u cilësua si gjuhë autoktone dhe mori vlera të mëdha me kohën. Traditat tona u çmuan si më të veçantat dhe u munduam t’i japim botës shembullin tonë me ata emigrantë që një copëz Shqipëri e marrin me vete nga do shkojnë. Veshjet tona kombëtare bëjnë jehonë, dhe flamuri ynë është ndër më të bukurit. Ju prezantuam botës si popull i vuajtur por me shpirtin plot. Të varfër, por bujarë. Njerëz të BESES. Jehuam në botë me shembuj suksesi. E më pas u kthyem në një popull të “errët”. Çfarë po ndodh me ne?

A është kaq e vështire të jetosh këtu? Pse duhet që në vend që të kërkojmë një punë, të shohim çfarë mund të vjedhim nga dikush tjetër ose si të përfitojmë diçka që s’e meritojmë? Në vend që të punojmë fort për të arritur diçka pengojmë tjetrin për të mos e arrire. Pse jemi bere aq te mëvetësishëm, duke qenë se diçka nuk na prek ne, e mbyllim një sy e një vesh dhe vazhdojmë normalitetin tonë? A është kaq e thjeshtë të kultivojmë lëndë narkotike sa mund të zëvendësojmë grurin? A ja vlente ikim nga vendi jonë ku me vështirësi punojmë dhe marrim paga modeste, por jemi pranë familjes tonë për t’u skllavëruar në një vend tjetër? E le të mos përmendim me tej zilinë, vëllavrasjen, dashakeqësinë e pangopshmërinë. Tashmë ne po mësohemi me një fenomen që dhemb fort, përdhunimet.

Është bërë si një rutinë e erret, që vjen një herë në aq kohë, ndodh një përdhunim, dalin disa emra, thuhen disa fraza, bëhet një marshim, e pas kësaj secili kthehet në shtëpinë e tij, postojmë fotot me të bukura nga marshimi dhe frazat më të bukura që mund të gjejmë dhe pastrojmë kështu ndërgjegjen se po bëjmë diçka. A nuk është më e lehtë ta parandalojmë këtë? A është kaq e vështirë t’i shpjegosh djalit, nipit apo vëllait, apo mikut tënd që femra nuk është objekt, as prone, as mjet qe t’i mund të përdoresh për kënaqësitë e tua? A është kaq e vështirë ta ushqesh djalin tënd me mësime për t’u bërë “dikushi“ në jetë dhe ta suportosh atë për të mos i lënë hapësirë, të krijojë tipologji të tilla agresive? A mund t’i dëgjoni njëherë fëmijët ose të afërmit pa i ndërprerë dhe pa i paragjykuar dhe duke ju ofruar të gjithë kohën që ata duan? Do të thoni fare lidhje ka kjo?

Nëse ne tregohemi më vigjilente me njerëzit pranë nesh, t’i dëgjojmë kur kanë nevojë, t’i ndihmojmë me çfarë mundemi, t’i suportojmë dhe t’u ofrojmë një strehë ku mund ta zbrazin shpirtin, pra në tej u ushqejmë atyre besim, edhe nëse nuk mund të frenojmë një agresor mund të vihemi në dijeni të një abuzimi, dhe kështu mund të jemi ne që japim ndihmën tonë duke denoncuar rastin që ky abuzim të mos përsëritej.

Në vend që të brohorasin emrin e viktimës duke e “ suportuar” duke publikuar imazhet e saj në media që mund të gjenden aty gjithë jetën, a nuk është më e lehtë të pyesim një mike se si ndihet, t’i vërtetojmë vajzës, motrës, kushërirës dhe shoqes apo koleges që ne jemi aty për çdo gjë, duke u bërë një krah i fortë që ato të mos bëhen viktima.

Për të gjithë ata që thonë se këto raste nuk duhet të bëhen publike. Ju lutem a më thoni dot si mund të jetoni të qetë kur në këtë realitet është vajza, motra apo mikja juaj ? Apo ju tremb dhe nuk e konceptoni dot të kthyer nga vetja?! Si mund të gjykoni një femër me gjithë ofendimet nga më të ligat dhe të thoni atë shprehjen klishe “vetë donte“? A nuk mendoni se sa e vuajtur është një femër që bie në krahët e parë qe gjen të hapur dhe pse janë kthetrat më të fëlliqura maskuar bukur. A mendoni ndonjëherë se fëmija, motra apo mikja juaj nuk ka nevojë vetëm për plotësime materiale po edhe shpirtërore. Fëmijët e rritur nën hijen e abuzimeve emocionale dhe të ardhur nga realitete të vështira është shume e thjeshtë të prodhojnë viktima dhe agresorë, dhe ne më pas i gjykojmë ose mbështesim në bazë të formimit tonë. A nuk do ishte më e lehtë që në vend se t’i gjykojmë njerëzit, të përpiqemi t’i kuptojmë ata. Në vend që të masakrojmë agresorët, të mendojmë dhe studiojmë për shkaqe që e dërgojnë një individ deri në këtë shkallë, jo për të justifikuar dënimin sepse nuk ka dënim në botë që shlyen një krim të tillë, por për të parandaluar shtimin e këtij fenomeni.

Kemi dëgjuar fjalime të bukura, domethënëse, mbresëlënëse, por vetëm fjalime. Kemi parë poste dhe slogane nga më të ndryshmet por që më shumë se sensibilizim kanë bërë konkurrencë mes njeri-tjetrit. Kemi parë show mediatike që marrin viktima, ndërtojnë skenarë dhe i përdorin si shembuj frymëzimi për audiencë. A e dini se sa shoqata kemi në mbrojte të të djerrave të femrave, abuzimeve e kështu me radhë? Nuk besoj ta dije njeri të sakte një shifër ose te kujtoj ndonjë shoqatë apo organizatë në vendin tonë që punon për të parandaluar apo ju vjen në ndihmë direkte këtyre rasteve nëse ato nuk bëhen publike.

Kemi parë aq shumë statuse dhe lutje për Palestinën apo fenomene të tjera në botë, por ndonjëherë harrojmë të shohim më pranë, harrojmë të shohim veten dhe atë që ne po shndërrohemi. Është shumë e lehtë të bësh atë që duhet, por në kohen që po jetojmë njerëzit po priren të bëjnë diçka që duket e bukur, po krijojnë imazhin e njeriut që duan të jenë dhe po bëjnë gjithçka që të tërheqin vëmendjen pa marrë parasysh nëse do kenë përfitime prej saj.

Por unë besoj ende që ne jemi një popull i bukur me vlera plot që pas sfidave të njëpasnjëshme sidomos vitet e fundit jam e bindur që kemi rikujtuar edhe një herë rëndësinë e vërtete të gjërave dhe njerëzve pranë nesh duke u lidhur më shumë me njëri-tjetrin dhe duke e vlerësuar më tepër, shpresoj që kjo të rrisë vigjilencën tonë dhe përkujdesjen tonë të pakushtëzuar ndaj njerëzve. Shpresojmë të bëhemi populli që ne duam, jo populli i parë në listën e zezë. E së shpejti të “pushtojmë” botën me histori suksesi. Shpresoj dhe besoj që Shqipëria do të bëhet nëse në të vërtetë do duam ta bëjmë atë …

Related Articles

Ilva Tare: Është koha të nis një kapitull të ri/ Video

Në një mesazh për publikun, gazetarja dhe moderatorja Ilva Tare, krejt papritur tha se i ka dhënë fund rrugëtimit të programit të saj "Ilva...

Aurela Hoxha nënë për herë të parë?

Aurela Hoxha është një ato personazhe të njohur të showbizit e cila e ka mbajtur jetën private larg syrit të publikut. Ndërkohë që përflitej...

Dalin pamje nga laboratori i Wuhan, lakuriqë nate të gjallë të mbyllur në kafaz (Video)

Në një video të shpërndarë nga Sky News Australia, janë bërë publike disa imazhe të lakuriqëve të natës në Laboratorin e Virologjisë në Wuhan...

Na ndiqni

4,806FansLike
2,507FollowersFollow
0SubscribersSubscribe
- Advertisement -

Më të fundit

Ilva Tare: Është koha të nis një kapitull të ri/ Video

Në një mesazh për publikun, gazetarja dhe moderatorja Ilva Tare, krejt papritur tha se i ka dhënë fund rrugëtimit të programit të saj "Ilva...

Aurela Hoxha nënë për herë të parë?

Aurela Hoxha është një ato personazhe të njohur të showbizit e cila e ka mbajtur jetën private larg syrit të publikut. Ndërkohë që përflitej...

Dalin pamje nga laboratori i Wuhan, lakuriqë nate të gjallë të mbyllur në kafaz (Video)

Në një video të shpërndarë nga Sky News Australia, janë bërë publike disa imazhe të lakuriqëve të natës në Laboratorin e Virologjisë në Wuhan...

BE do dërgojë 145 mijë vaksina anti-Covid për Shqipërinë deri në fund të Gushtit

Deri në fund të muajit Gusht, në Shqipëri pritet që të vijnë 145 mijë doza vaksine anti-Covid nga Bashkimi Europian. Në një postim në rrjetet...

Elefanti fallxhor parashikon ndeshjen Francë-Gjermani

Një elefant “fallxhor” në një kopsht zoologjik në Hamburg ka vendosur që Franca do të mundë Gjermaninë në ndeshjen e parë të Kampionatit Europian. Turnetë...