Edhe pse zyrtarisht pranvera ka ardhur, kjo fundjavë do të na kujtojë më shumë stinën e dimrit. Dita e shtunë nis me mot të vranët në të gjithë territorin deri në orët e mesditës do të ketë reshje shiu të herëpashershme në.
Më pas reshjet fitojnë intensitet në të gjithë vendin në formën e shtrëngatave dhe stuhive. Më kalimin e orëve dhe uljen e temperaturave në orët e pasdites vonë reshjet në lartësitë mbi 300 metër në relievet malore dhe mbi 600 metër në ato kodrinore, shndërrohen në reshje dëbore.
E njëjta situatë edhe ditën e diel pasi moti parashikohet me vranësira të dendura shoqëruar me reshjet e shiut dhe dëborës.
Përgjatë vijës bregdetare dhe zonat e ulëta do të ketë reshje shiu me intensitet mesatar dhe duke filluar nga orët e pasdites do të jenë në formën e shtrëngatave shoqëruar me shkarkesa elektrike. Në relievet malore vijojnë reshjet e dëborës dhe duke nisur nga orët e pasdites ato bëhen me intensitet të lartë.
Në orët e vona të mbrëmjes në zonën e veriut reshjet e dëborës zbresin deri në nivel deti ndërsa në zonën e qendrës dhe veriut në nivele kodrinore 400-500metër.
