Sipas MeteoAlb, pjesa e parë e ditës do të jetë me kthjellime dhe kalime të lehta vranësirash në vend. Por në pjesën e dytë të ditës vranësirat do te bëhen më të dukshme duke krijuar mundësi për reshje të izoluara shiu në Veriperëndim dhe Jugperëndim të Shqipërisë, Ndërsa në skajin verior priten reshje të pakta dëbore.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga -8°C deri në 10°C.
Era do fryjë e lehtë në tokë dhe mesatare në det me shpejtësi 45 km/h nga drejtimi Jugor duke krijuar dallgëzim mbi 4 ballë.
