Detaje të reja kanë dalë në dritë nga vrasja me thikë e Vladimir Zvezhdës, ditën e parë të vitit, i cili u vraq nga kunati i tij, Klajdi Shundi. Mësohet se sherri ka ndodhur për arsye banale.
Sipas dëshmisë së shokut të Klajdi Shundit, i cili ka qenë prezent në ngjarje, sherri ka nisur për mikpritjen.
Mësohet se dy “protagonistët” e konfliktit janë zënë se kush janë më mikpritës, Korça apo Pogradeci. Ndër të tjera shoku i Shundit tregon se ky i fundit i ka kërkuar Vladimirit që të mos e ngrejë zërin në shtëpinë e tij.
Më pas kanë dalë jashtë dhe çështja është agravuar deri në atë pikë që ka ndodhur vrasja.
