23.5 C
Tirana
Monday, July 22, 2024
spot_img

“Do ju ndryshojë ADN-në”, farmacisti shkatërron 570 doza të vaksinës anti-Covid

Një farmacist në Shtetet e Bashkuara ka sabotuar plot 570 doza të vaksinës kundër koronavirusit, nga frika se mund të dëmtonin personat që do të injektoheshin me to.

46-vjeçari që e kishte marrë licencën në vitin 1997 kishte pranuar se besonte në teori konspirative. Ai i tha hetuesve se “vaksina Moderna nuk ishte e sigurtë për njerëzit dhe do t’i dëmtonte ata duke u ndryshuar ADN-në”.

Stephen Brandenburg u rrëfye para hetuesve duke treguar se i kishte hequr 57 shishka të vaksinave nga frigoriferi ku duhet të qëndronin sipas protokollit në një temperaturë të caktuar. Duke marrë parasysh që një shishe ka rreth 10 doza, farmacisti shkatërroi plot 570 vaksina me vlerë rreth 11 mijë dollarë.

Ekspertët thanë se nuk ka asnjë provë që vaksina modifikon ADN-në e njeriut. Ajo dërgon në trup informacionin e një pjese të virusit përmes mRNA, dhe trupi nis ta riprodhojë, duke nxitur njëkohësisht edhe kundërpërgjigjen përmes antitrupave.

Related Articles

- Advertisement -spot_img

Më të fundit