Kreu i Urgjencës Kombëtare, Skënder Brataj ka folur për shtrëngimin e masave në vendin tonë. Në një intervistë për News 24, Brataj shprehet se, nuk do të ketë lehtësim masash, por po mendohet për shtrëngimin e tyre për shkak të rritjes së infeksioneve. Ndër të tjera, Brataj tha se, hyrja e testeve të shpejta është diçka pozitive, pasi po ndihmojnë sepse merret përgjigjja në 30 minuta.
“Hyrja e testeve të reja është pozitive. Nuk është marrë vendim, jemi akoma në analizim të situatës, se si do të veprohet me masat e tjetra. Nuk ka datë të caktuar të datës së mbledhjes. Në një moment të caktuar vendoset. Në këtë moment nuk mund të flasim për lehtësim të masave. Publiku është më shumë i përgatitur për shtrëngim të masave. Kjo është pasqyrë e 3 javëve të kaluara. Situatën e tanishme do ta shohim për 3 javët në vijim ose në fund të muajit. S’mund të mendohet në lirim të masave. S’kemi kaluar tek masat e shtrënguara. S’do të rrezikoja personalisht në lirim masash. Nuk më shqetëson pritja para COVID2, pasi mund të ketë ndodhur në një ditë apo disa orë. Që nga fillimi i epidemisë ka qenë një menaxhim i situatës, midis dy spitaleve COVID.
Menaxhimi ka qenë me muaj, një muaj në Infektiv dhe tjetrin në COVID2. Të dy spitalet COVID kanë pasur zona të caktuara. Në 24 orët e fundit më rezulton se janë 58 shtrime, ndërsa javën e kaluar ishin 85 të tillë. 74 janë trajtuar në banesë, pasi janë forma të lehta. Pacientët që janë COVID pozitiv dhe ata që nuk janë pozitiv, që kanë një klinikë të ngjashme me COVID, çohen drejt spitaleve, ku bëhet vizita. Testet e shpejta do të ndihmojnë, pasi përgjigja merret në 30 minuta. Aty ku punohet dhe në urgjencat e spitaleve”, tha Brataj.
