Donald Trump nuk e pranon rezultatin e zgjedhjeve. Ai ka vijuar akuzat, duke u ndalur tek votimi në Nevada. Sipas tij, aty janë numëruar vota të rreme, ndërsa paralajmëroi se do të paraqesë fakte tronditëse.
“Xhorxhia do të jetë një fitore e madhe, ashtu siç ishte nata e Zgjedhjeve. Në Pensilvani na u ndalua të shihnim një pjesë të madhe të numërimit të votave. E paimagjinueshme dhe e paligjshme ajo që ndodhi atje. Në Wisconsin po duket shumë mirë. Na duhet edhe pak kohë. Do të ndodhë së shpejti! Nevada po del të jetë një gropë votash të rreme. Po hetojmë dhe të dhënat që do të publikohen do të jenë absolutisht tronditëse”, shkruan Trump në Twitter.
