16.5 C
Tirana
Saturday, March 2, 2024
spot_img

U shërua nga Covid-19, deputetja e PS tregon simptomat që pati dhe kurën që përdori

Blerina Gjylameti, deputete e Partisë Socialiste në qarkun e Tiranës, u prek me covid-19 dhe prej ditësh u shërua, duke iu rikthyer aktivitetit politik, ndonëse shtatzënë dhe në muajin e 9-të.

Në një lidhje me Skype në emisionin e Rudina Magjistarit në Tv Klan, ka treguar për eksperiencën e saj dhe sa të vështirë e ka patur ta përballojë këtë sëmundje duke qenë se është dhe shtatzënë në muajin.

“Kam pasur simptoma të lehta, kam pasur një ngacmim në fyt, një temperaturë e cila ishte 37.5 dhe e gjitha kjo e shoqëruar me pikëpyetjet që kisha, iu drejtova institucioneve për të bërë dhe tamponin përkatës”, tha deputetja.

E pyetur se si e ka kuruar virusin sars cov2, ajo tha se ka patur një trajtim me medikamente me antibiotikë të lehtë.

“Vështirësitë e para ishte më shumë fakti se çfarë do të ndodhë më pas sesa shqetësimet e mëdha të momentit. Më pas kjo ishte e kombinuar nëse ishin shqetësime të shtatzënisë apo të virusit dhe kjo e bënte të vështirësohej më shumë situata. Ajo që kam patur më shumë problem, ka qenë vështirësia me frymëmarrjen ku u drejtova edhe në spital për të bërë skaner të mushkërive për të patur nëse kishte ndonjë prekje të lehtë të mushkërive gjë që u vërtetua se ishin prekur.

Unë kam patur një trajtim me medikamente me antibiotikë, ishin shumë të lehta. Këto ishin në bazë të një konsulte që u bë nga mjeku pleumolog dhe mjekja gjinekologe për t’i paraprirë dhe situatave të tjera që kanë të bëjnë edhe me situatën time që ishte pak më specifike se rastete e tjera që kishte të bënte me shtatzëninë. Nuk ishin medikamente të rënda, por medikamente të lehta që mund të përdoren dhe në shtatzëni”, tha deputetja.

Related Articles

Na ndiqni

4,806FansLike
3,912FollowersFollow
0SubscribersSubscribe
- Advertisement -spot_img

Më të fundit