A është e vërtetë se aktori i ndjerë Koço Devole u nxor nga spitali se s’kishte shtretër, më pas u kthye në gjendje të rëndë dhe ndërroi jetë?
Ishte kjo një ndër pyetjet me të cilën u përball ministrja e Shëndetësisë, Ogerta Manastirliu në ‘opinion’.
Ministrja e mohoi një fakt të tillë dhe tha se do të dalë një informacion zyrtar mbi këtë rast.
“Jam shumë e prekur për humbjen e një prej figurave më të mëdha të humorit dhe nuk do doja të flisnim me kaq lehtësi. Do doja që ti referoheshim fakteve zyrtare, jo mediave.
Për rastin e Koco Devoles do keni një informacion zyrtar nuk mund të përgjigjem për një rast që ka nevojë për proces administrativ, por jo ta themi kështu. Nuk besoj të ketë ndodhur kjo gjë. Rastet që shtrohen në spital kanë patologji të ndryshme”, tha ministrja.
