Teksa ndodhej në një takim me banorët e prekur nga tërmeti në Durrës, kryetarja e LSI-së Monika Kryemadhi është gjobitur sërish nga policia, për shkak se nuk mbante maskë në ambient publik.
Kryemadhi dhe përfaqësues të LSI-së kanë patur një përplasje me policinë, teksa kanë bërë debat dhe policia i ka kërkuar kartë identitetit.
Në fletën e gjobës Kryemadhi pranoi të firmosë dhe shkroi se shqiptarët do t’ia çjerrin maskën kryeministrit ditën e zgjedhjeve.
“Shqipëria është e shqiptarëve. Do t’ia çjerrim maskën Edi Ramës më 25 prill”, shkroi Kryemadhi në fletën e gjobës.
Në diskutimin e saj me eferktivët pas vendosjes së gjobës, Kryemadhi i’u është drejtuar atyre me frazën: “Është i paligjshëm akti normativ. Edi Rama është i paligjëshëm vetë mor burr”.
Më tej Kryemadhi, theksoi se nuk ishte njoftuar direkt nga Policia e Shtetit për atë gjobë.
