Djali i ish-presidentit të Kosovës, Hashim Thaçi, ka reaguar menjherë pas deklaratës publike të të atit që konfirmonte dorëheqjen për shkak të akuzës së Gjykatës së Hagës.
Përmes një postimi në rrjetet sociale, Endrit Thaçi, shprehet i bindur në pafajësinë e të atit, ndërsa shkruan se “pas betejës për liri, i ati po udhëheq betejën për drejtësi dhe se shumë shpejt do të kthehet në shtëpi”.
“Baba im e ka fitu betejën e lirisë. Dhe të lirë jemi. Ai e udhëhoqi edhe betejën për republike. Dhe shtet u bëmë e do të mbesim. Tash do ta udhëheq betejën për drejtësi. Sepse babai, bashkëluftëtarët e tij dhe krejt lufta ishte e drejtë. Do të merrni më shumë malli por do të festoni çdo ditë me buzëqeshje dhe kokën e lartë fitoret e tuja me mamin, familjen tonë, shokët. Do të më presësh pa durim edhe pse shpejt do të kthehesh në shtëpi. UÇK”, shkruan Endrit Thaçi.
