Ekzistojnë plot 7 forma të ndryshme të sëmundjes së Covid-19, kur ecuria e saj karakterizohet nga simptoma të lehta. Kjo gjë u raportua nga një studim i ri nga ekipi i studiuesve në Med Uni Vjenë, sipas të cilit infeksioni i koronavirusit, kur ishte i lehtë, shfaqej në shtatë 7 të ndryshme, duke lënë pas ndryshime të rëndësishme në sistemin imunitar, madje edhe pas 10 javësh.
Këto rezultate, të sapo-publikuara në revistën “Alergy”, mund të japin informacione të vlefshme dhe të dobishme për trajtimin e pacientëve pozitivë me koronavirus, si dhe për zhvillimin e një vaksine efektive kundër Covid-it.
Për të identifikuar format e ndryshme të sëmundjes, studiuesit përfshinë 109 pacientë pozitivë me koronavirus, dhe 98 njerëz të shëndetshëm (grupi i kontrollit). Nisur nga kjo, ata ishin në gjendje të tregonin simptomat e lidhura me Covid-19, në 7 grupe të ndryshme:janë simptomat e ngjashme me gripin, si ethet, të dridhurat, lodhja dhe kolla, simptoma të ngjashme me kollën, të tilla si rinititi, teshtitja, tharja e fytit dhe bllokimi i hundës.
Pastaj vijnë simptomat e dhimbjes së kyçeve dhe muskujve, dhe ato të inflamacionit të syve dhe mukozave. Dhe pastaj janë simptomat e lidhura me problemet e mushkërive, me pneumoninë dhe gulçimin, problemet gastrointestinale, si diarreja, të përzierat dhe dhimbja kokës.
Së fundmi janë simptoma e humbjes së nuhatjes dhe shijes. “Në grupin e fundit kemi zbuluar se humbja e nuhatjes dhe shijes, prek kryesisht individët me një sistem të ri imunitar, të cilin e kemi matur me numrin e qelizave imune, limfocitet T, të prodhuara në timus (gjëndra që ka detyrë sigurimin e maturimit të saj)”- shpjegon imunologu dhe bashkautori i studimit Uinfrid Pikëël .
“Kjo do të thotë që ne ishim në gjendje të dallonim qartë format sistemike (për shembull grupet e para dhe të tretat të simptomave) nga format specifike të organeve (si grupet 6 dhe 7) të Covid-19”- thotë Pikëll. Ndër të tjera në këtë studim, kërkuesit vunë re gjithashtu një lloj gjurme digjitale të koronavirusit.
Në fakt, ata kanë treguar se si infeksioni i Covid-19, sjell ndryshime të dukshme për një periudhë të gjatë, rreth 10 javë, në gjakun e atyre që tashmë janë shëruar. Për shembull, analizat zbuluan se numri i granulociteve neutrofile, një lloj i qelizave të bardha të gjakut të përfshira në mbrojtjen e trupit kundër infeksioneve bakteriale dhe kërpudhore, ishte dukshëm më i ulët se normalja.
“Sidoqoftë, kemi vërejtur se qelizat e kujtesës ishin zhvilluar, dhe se qelizat T Cd8 mbeteshin aktive”- thotë Pikëll. “Kjo tregon që sistemi imunitar, është ende shumë i përfshirë edhe disa javë pas infeksionit fillestar. Në të njëjtën kohë, qelizat rregullatore (të cilat luajnë një rol themelor në parandalimin e reaksioneve imune, janë reduktuar ndjeshëm në numër” -shtoi ai.
Dhe kjo ka të ngjarë të jetë një përzierje e rrezikshme, paralajmërojnë studiuesit, pasi mund të çojë në sulm auto-imun. Për më tepër, të dhënat treguan se gjaku i të shëruarve prej koronavirusit, i kishte të rritura nivelet e qelizave imune që prodhojnë antitrupa:sa më të forta dhe sa më shumë të zgjasin në kohën ethet e pacientit gjatë prekjes nga Covid-19, aq më të larta janë nivelet e antitrupave kundër koronavirusit.
“Gjetjet tona kontribuojnë në një njohje më të mirë të sëmundjes, dhe na ndihmojnë të zhvillojmë vaksinat e mundshme, pasi tani kemi qasje ndaj disa treguesve premtues dhe mund të kryejmë një monitorim edhe më të mirë” – theksojnë shkencëtarët.
“Studimi tregon se sistemi imunitar i njeriut “dyfishohet”kur mbron veten ndaj Covid-19, me veprimin e kombinuar të qelizave imune dhe antitrupave. Ndërkohë qelizat janë në gjendje të memorizojnë lëvizjet e virusit dhe të reagojnë. Tani ne duhet t`i konfirmojmë këto rezultate për t’i përdorur në zhvillimin e vaksinave efektive”- thonë ata.
