Ngjyra e verës është padyshim e bardha. Ajo përveçse nuk përthith rrezet e diellit përcjell freski dhe pastërti.
Problemi qëndron se e bardha bëhet shumë shpejt pis dhe nëse nuk tregoheni të kujdesshme me kalimin e kohës rrobat me këtë ngjyrë zverdhen.
Sot do ju tregojmë që vetëm me katër përbërës natyralë ju mund të keni rroba borë të bardha.
1. Shtoni lëng limoni në larjen e rrobave me dorë
Bashkimi i një filxhan lëngu limoni me ujin e nxehtë do sjelli si rezultat rroba shumë të bardha. Ju duhet t’i lini për disa orë dhe pas shpëlarjes mund t’i nxirrni për tharje në diell.
2. Shto uthull të bardhë në lavatriçe
Hedhja e uthullës së bardhë në ciklin e shpëlarjes së rrobave do bëjë që rrobat e bardha të shkëlqejnë. Kujdes, pasi rrobat duhet të jenë të bardha dhe asnjë lloj ngjyrë tjetër!
3. Sodë buke
Merrni një legen dhe hidhni ujë derisa të mbulohen rrobat e bardha dhe më pas shtoni sodë buke (rreth një gotë, por varet nga sasia e ujit që ndodhet në legen). I lini rrobat për disa orë dhe më pas i lajini si zakonisht në lavatrice.
4. Provoni peroksid hidrogjeni
Peroksidi i hidrogjenit mund të heqë çdo njolle nga rrobat tuaja ndaj shtoni një gotë peroksid në larjen e fundit dhe rrobat e bardha do të shndërrisin.
