Gjatë 24 orëve të fundit është shënuar shifra më e lartë e infektimeve ditore me Covid-19 në vendin tonë. Sipas Ministrisë së Shëndetësisë, nga 1412 testime ditore që janë kryer, kanë rezultuar të infektuar 306 persona.
Rastet janë shërnuar në Tiranë me 179 të infektuar, 25 raste në Korçë dhe Vlorë, 16 raste në Fier, 13 raste në Elbasan, 10 raste në Berat, 6 raste në Mirditë, 5 raste në Durrës, 4 raste në Kavajë, Mallakastër, Pogradec, 2 raste në Mat, Roskovec, Bulqizë, Peqin, 1 rast në Shkodër, Krujë, Lushnje, Rrogozhinë, Gjirokastër, Shijak, Patos.
Ndërsa për fat të keq, kanë humbur jetën 4 persona të cilët vuanin edhe nga sëmundje të tjera bashkëshoqëruese.
Viktimat janë një 21-vjeçar nga Elbasani me disa sëmundje bashkëshoqëruese, i cili po trajtohej në terapi intensive i intubuar në spitalin COVID2. Nuk e kanë fituar dot betejën me sëmundjen edhe prof. Elmaz Elezi, mjeku i njohur 85-vjeçar, ish-drejtues i klinikës infektive në QSUT, një 49-vjeçar nga Elbasani dhe një 70-vjeçar nga Kurbini.
Aktualisht në spitalin Infektiv dhe “Shefqet Ndroqi” po trajtohen 260 pacientë, 15 në terapi intensive nga të cilët 6 pacientë janë të intubuar.
