16.5 C
Tirana
Thursday, April 25, 2024
spot_img

Fluks në Urgjencë, Brataj: 100 persona në ditë kërkojnë tamponin e Covid

Rreth 100 persona në ditë i kërkojnë Urgjencës Kombëtarë kryerjen e tamponit për Covid-19. Sipas kreut të Urgjencës, Skënder Brataj dy javët e fundit ka rritje të numrit të thirrjeve drejtuar 127.

“Kemi një rritje të numrit të thirrjeve drejtuar 127, janë afro 2500 thirrje në ditë, ku nga këto 500 janë për probleme nga Covid dhe afro 100 prej tyre kërkojnë kryerjen e tamponit”.

Sipas Bratajt të rinjtë dhe mosha aktive janë më të prekurit nga koronavirusi. Por vendi nuk ndodhet në valë të dytë, pasi në asnjë rast nuk ka patur zero të infektuar.

“Janë të rinjtë dhe prindërit e tyre, mosha e tretë janë më të kujdesshëm si në respektim të distancës ashtu edhe të mbajtjes së maskës. Virusi ka qenë këtu, nuk ka ikur, që të themi jemi në valën e dytë”.

Për sa i përket masave kufizuese, ekspertët thonë se në këtë situatë nuk mund të ketë shtrëngim masash apo mbyllje të vendit. Gjithçka pritet të jetë në varësi të ezaurimit të shtretërve në spitale.

Related Articles

- Advertisement -spot_img

Më të fundit