Shtatori që lamë pas, ishte më i nxehti në histori, sipas Copernicus, programi i Bashkimit Evropian për vëzhgimin e Tokës.
Temperatura mesatare e Tokës ishte 0,05 gradë Celsius, më e ngrohtë se rekordi i mëparshëm, i cili u vendos shtatorin e kaluar.
Nga nëntë muajt që kemi lënë pas këtë vit, tre prej tyre kanë thyer rekordin global për temperaturën mesatare, duke shënuar një trend të rrezikshëm dhe të pamohueshëm drejt niveleve të temperaturës që grupet ndërkombëtare kanë paralajmëruar se do të ishin shkatërruese për Tokën.
Rekordi i ri i shtatorit u vendos nga moti jashtëzakonisht i nxehtë që preku pothuajse çdo kontinent, teksa temperaturat e regjistruara përshkruajnë vetëm pjesërisht rreziqet e ngrohjes globale.