33.5 C
Tirana
Wednesday, June 19, 2024
spot_img

Basha i prezanton qeverisë Rama planin me 5 pika: Të zbatohet menjëherë

Kreu i PD, Lulzim Basha ka prezantuar në Elbasan planin me 5 pika për rimëkëmbjen. Basha shprehet se qytetarët nuk kanë të blejnë ushqimet bazë apo ilaçet dhe të rinjtë duan të largohen.

Basha i bën thirrje qeverisë sërish që ky plan të nisë të zbatohet menjëherë vetëm e vetëm për nevojën urgjente të 1 milion shqiptarëve për mbijetesë.

“Sot në qytetin e Elbasanit, bisedova me qytetarë dhe biznese rreth situatës së rëndë ekonomike, sociale dhe braktisjes së plotë nga qeveria. Qyteti është në depresion të plotë. Të rinjtë duan të largohen ndërsa bizneset kanë ulur qepenat. Qytetarët nuk kanë të blejnë ushqimet bazë apo ilaçet.

Qytetarëve dhe bizneseve i tregova për planin e rimëkëmbjes ekonomike. I shpjegova disa nga pikat e Planit të Rimëkëmbjes dhe disa nga përfitimet e drejtpërdrejta për ta dhe ekonominë në kolaps:

Çeku 1000 euro për biznesin e vogël;
Pagesa mujore 160 mijë lekë për këdo që ka humbur punën;
Ndihma 200 mijë lekë në muaj për biznesin për çdo person që kthen në punë;
Shtesa mujore prej 20 mijë lekë për të gjithë pensionistët;

Kërkesa ime është edhe sot që ky plan të nisë të zbatohet menjëherë vetëm e vetëm për nevojën urgjente të 1 milion shqiptarëve për mbijetesë. Batutat pa kripë të Edi Ramës as nuk hahen, as nuk pihen”, tha Basha.

Related Articles

- Advertisement -spot_img

Më të fundit