Rusia ka paralajmëruar NATO-n se nëse futen në Ukrainë atëhere mund të ketë një përshkallëzim të konfliktit.
Ka qenë ministri i Jashtëm rus, Sergei Lavrov, ai i cili në një deklaratë për mediat ditën e sotme u shpreh se nëse trupat paqeruajtëse dërgohen në Ukrainë, ky veprim i NATO-s do të nënkuptojë luftë.
Kujtojmë se Polonia ka sugjeruar se një mision paqeruajtës duhet të dërgohet në Ukrainë që ta ndihmojë vendin që të mbrojë veten kundër pushtuesit.
Lavrov ishte duke mbajtur fjalimin e tij tradicional para studentëve dhe stafit në Institutin Shtetëror të Marrëdhënieve Ndërkombëtare në Moskë këtë mëngjes, ku përsëriti deklarata të thëna edhe më parë.
Ai theksoi dhe njëherë ato që ka thënë rreth neo-nazizmit, i cili sipas tij është i përhapur në Ukrainë dhe Perëndimi po mundohet ta “nxjerrë nga loja” Rusinë.
