Rita Ora ka bashkuar forcat me DJ Sam Feldt për këngën e tyre të re te titulluar “Follow Me”. Këngëtarja 31-vjeçare dukej sensacionale teksa pozoi për një fotosesion mahnitës në xhirimet e klipit në Los Angeles, shkruan DailyMail.
Ajo kishte veshur një jelek të zi së bashku me një palë strece të zeza me pika te bardha. Duke i lënë flokët e saj kaçurrela të lirshme, Rita gjithashtu kishte një kapele të zezë ndërsa pozonte përkrah Sam në shkretëtirë.
DJ Sam zgjodhi një xhaketë ngjyrë bezhë të cilën e veshi mbi një këmishë të zezë me një palë xhinse të ngjashme. Duke folur për këngën, kengetarja tha se “Muzika ritmike ka pasur gjithmonë një vend të veçantë në zemrën e saj, kështu që të qenit në gjendje të punonte me DJ Sam në ‘Follow Me’ ka qenë fantastike. Ai është një legjendë e tillë dhe ka qenë nder të punoj me të”, eshte shprehur artistja.
Kënga, e cila është bashkë-kompozuar nga ish-ylli i X Factor, Ella Henderson, do të publikohet në Palm Tree Records Kygo.
