Kongresmenia demokrate amerikane, Ilhan Omar, u vu në shënjestër mbrëmjen e së martës, më 27 janar, gjatë një fjalimi në Minneapolis nga një burrë që e spërkati me një substancë të paidentifikuar nëpërmjet një shiringe.
Burri u shoqërua jashtë godinës ndërsa Omar vazhdoi fjalimin e saj, duke thënë: “Ne mbetemi të fortë përballë çdo gjëje që na hedhin”.
“Policia e Minneapolis arrestuan shpejt individin, i cili tani është në paraburgim. Kongresmenja është e sigurt. Ajo vazhdoi tubimin e saj publik sepse nuk do t’i lejojë ngacmuesit të fitojnë”, tha zyra e Omar në një deklaratë.
Eventi u mbajt në qytetin e saj të lindjes, Minneapolis, i cili është tronditur për javë të tëra nga operacionet e zbatimit të ligjit për imigracionin dhe vdekja e dy personave që protestuan kundër tyre.
Rep. Ilhan Omar (D-MN) assaulted during town hall meeting: "Here's the reality that people like this ugly man don't understand; we are Minnesota strong and we will stay resilient in the face of whatever they might throw at us." pic.twitter.com/Ud5l3yP4lQ
— CSPAN (@cspan) January 28, 2026
“Do të vazhdojmë, ata nuk do t’ia dalin mbanë me këtë,” deklaroi Omar menjëherë pas sulmit dhe pasi kërkoi një pecetë.
Ilhan Omar, një figurë e shquar e së majtës amerikane me origjinë somaleze, ka qenë prej kohësh një shënjestër e së djathtës amerikane, dhe e presidentit Donald Trump.
I pyetur nëse e kishte parë videon e sulmit ndaj kongresmenes amerikane, Trump e cilësoi atë si “mashtruese” dhe se mund ta ketë inskenuar vetë incidentin.
“Mendoj se ajo është një mashtruese. Aspak nuk mendoj kështu. Ajo ndoshta e ka spërkatur veten me sprej, duke e njohur atë. Nuk e kam parë. Shpresoj të mos kem pse të shqetësohem.“, tha Trump.
