Deputeti socialist, Erion Braçe, ka reaguar pas miratimit të ndryshimeve të Kodit Penal, të votuara nga nga Kuvendi mëngjesin e kësaj të mërkure pas një seance maratonë prej gati 18 orësh.
Në një postim në rrjetet sociale, Braçe, ka komentuar një prej pikave të Kodit Penal, atë të parkimit në rresht të dytë, i cili do të trajtohet si vepër penale dhe do të dënohet me gjobë ose deri në 6 muaj burg.
Socialisti ka publikuar një video, ku sqaron qytetarët për çështjen e parkimit dysh, duke theksuar rastet kur pengohen levizjet e mjeteve të shërbimeve (ambulancë, zjarrfikëse dhe polici).
Kuvendi ka miratuar në orët e para të mëngjesit ndryshimet në Kodin Penal, ku parkimi dysh do të konsiderohet vepër penale dhe parashikohen ndëshkime me gjobë dhe deri në 6 muaj burg.
Parkimi dysh do të konsiderohet kundërvajtje penale vetëm kur pengoll ose bllokon lëvizjen e mjeteve të shërbimeve jetike si ambulanca, zjarrfikësja dhe policia, ndërsa në rast të tjera do të mbetet një shkelje administrative.
