Ministri i jashtëm rus, Sergei Lavrov tha sot se Rusia nuk dëshiron një përshkallëzim me Evropën, por paralajmëroi se do t’i përgjigjet çdo veprimi armiqësor, madje duke dhënë shembuj konkretë.
Gjatë fjalës së tij në Këshillin e Federatës, Ministri i Jashtëm rus theksoi se vendi i tij nuk ka ndërmend të angazhohet në luftë me Evropën, por është i përgatitur të reagojë nëse ka lëvizje armiqësore nga ana e evropianëve.
Ministri i Jashtëm rus iu referua posaçërisht mundësisë së vendosjes së forcave ushtarake evropiane në Ukrainë , si dhe planeve për të shpronësuar asetet ruse.
“Siç e ka theksuar Presidenti Vladimir Putin, ne nuk kemi ndërmend të shkojmë në luftë me Evropën. Ne nuk kemi ndërmend diccka të tillë. Por ne do t’i përgjigjemi çdo veprimi armiqësor, duke përfshirë vendosjen e forcave ushtarake evropiane në Ukrainë dhe shpronësimin e aseteve ruse. Ne jemi tashmë të përgatitur për këtë reagim”, tha Lavrov.
