Ari vazhdon të jetë streha më e qëndrueshme në një mjedis trazirash ndërkombëtare dhe pasigurie ekonomike, me shtetet dhe bankat qendrore që intensifikojnë blerjet e tyre, duke e çuar çmimin e metalit të çmuar në nivele historike në vitet e fundit.
Një analizë e re, bazuar në të dhënat nga platforma “BullionVault”, zbulon se cilat vende do të kenë rezervat më të mëdha zyrtare të arit deri në vitin 2024.
Në përgjithësi, Shtetet e Bashkuara të kombinuara me vendet evropiane mbajnë mbi 60% të rezervave të regjistruara në botë.
SHBA- të kryesojnë listën me 8,133.5 tonë, e ndjekur nga Gjermania me 3,351.6 tonë, Italia me 2,451.9 tonë dhe Franca me 2,437 tonë. Vijon Rusia me 2,333.1 tonë, Kina me 2,279.6 tonë dhe Zvicra me 1,039.9 tonë, që janë gjithashtu ndër vendet me sasitë më të mëdha.
Në dhjetë vendet e para përfshihen edhe India me 876.2 tonë, Japonia me 846 tonë dhe Holanda me 612.5 tonë.
Pas tyre vijnë Turqia me 595.4 tonë, Polonia me 448.2 tonë, Portugalia me 382.7 tonë, Uzbekistani me 382.6 tonë, që duket surprizë në listë dhe Arabia Saudite me 323.1 tonë, edhe pse njihet si vendi i sheikëve dhe “arit të zi”.
Më pas gjejmë Mbretërinë e Bashkuar me 310.3 tonë, një surprizë renditjeje botërore kjo pasi Anglia njihet për rezervat e saj, Libani me 286.8 tonë, Kazakistanin me 284.1 tonë, Spanjën me 281.6 tonë dhe Austrinë me 280 tonë.
Në tregjet në zhvillim, Tajlanda ka 234.5 tonë, Belgjika 227.4 tonë, Singapori 220 tonë dhe Algjeria 173.6 tonë. Iraku ka 162.6 tonë, Libia 146.7 tonë, Azerbajxhani 146.6 tonë, Filipinet 130.5 ton֝ëdhe Brazili 129.7 tonë.
Egjipti vjen më pas me 126.9 tonë, Suedia me 125.7 tonë, Afrika e Jugut me 125.4 tonë, Meksika me 120.3 tonë dhe Greqia me 114.6 tonë.
Katari është ndër 50 vendet e listës me 110.8 tonë, Hungaria me 110 tonë, Koreja e Jugut me 104.4 tonë, Rumania me 103.6 tonë dhe Kuvajti me 79 tonë.
Në kategorinë me rezervat më të vogla gjejmë vende si Gjeorgjia me 7.1 tonë, Tunizia me 6.8 tonë, Letonia me 6.7 tonë, Guinea me 6.3 tonë dhe Lituania me 5.8 tonë, ndërsa në vendet e fundit janë Islanda, Haiti, El Salvadori, Butani dhe Moldavia, me rezerva më pak se 2 tonë.
Shqipëria duket se nuk figuron fare në këtë listë, pasi sipas raporteve zyrtare, vendi ynë listohet me jo më shumë se 1,6 tonë ar dhe renditet ndër vendet e fundit.
Raporti thekson se kalimi drejt arit nuk ka të bëjë vetëm me ekonomitë e mëdha: shumë vende në zhvillim dhe në zhvillim po forcojnë gjithashtu rezervat e tyre si mbrojtje kundër inflacionit, luhatjeve të monedhës dhe goditjeve ekonomike ndërkombëtare.
