Shpesh, kur flasim për kujtesën e fortë, i referohemi si diçka që e kemi ose jo. Një lloj lotarie gjenetike që vjen bashkë me ardhjen tonë në jetë, ose kur nuk e kemi, fajësojmë stresin e jetës modern. Por, po sikur kujtesa të mund të stërvitej, ashtu si çdo muskul i trupit tonë?
Në këtë fragment nga episodi i ardhshëm i Apostrof Podcast, mjeku neurokirurg Dr. Ardit Lame, shpjegon disa mënyra të thjeshta për të patur një kujtesë sa më të fortë dhe afatgjatë, ndërsa paraljmëron edhe për disa nga rreziqet që i kanosen pa e kuptuar.
Tri janë këshillat kryesore: një dietë e balancuar, e pasur me proteina dhe me sa më pak kripë e sheqerl; mënjanimi i alkoolit dhe, mbi të gjitha, leximi si mënyra më e mirë e stërvitjes së kujtesës, përqëndrimit dhe forcimit të shtigjeve neurologjike.
Megjithatë, edhe kjo vjen me një paraljmërim. Dr. Lame thotë se nuk duhet të lexojmë vonë në mbrëmje dhe as herët në mëngjes. Edhe pse mund t ëndihemi më produktivë në orët e para të mëngjesit, ai thotë se në fakt jemi duke vepruar në kundërshtim me ritmin natyror të trurit.
