Një studim i publikuar në Journal of Individual Psychology ka hedhur dritë mbi rolin shpesh të keqkuptuar të fëmijës së mesit në familje. Sipas hulumtimit, fëmijët që lindin në mes të vëllezërve dhe motrave kanë tendencë të zhvillojnë më shumë ndershmëri, bashkëpunim dhe përulësi krahasuar me të tjerët.
Studiuesit theksojnë se pozicioni i tyre në familje i shtyn të ndërmjetësojnë, të bëjnë kompromise dhe të zhvillojnë më shumë empati – aftësi që ndihmojnë në ndërtimin e marrëdhënieve më të forta ndërpersonale.
“Fëmijët e mesit shpesh ndihen të lënë pas dore,” thuhet në raport, “por pikërisht kjo i ndihmon të zhvillojnë cilësi të thella sociale dhe emocionale që shpesh u mungojnë fëmijëve të parë apo të fundit.”
Ky studim rrëzon mitin e fëmijës së mesit dhe e paraqet atë si një figurë kyçe në ndërtimin e ekuilibrit familjar.
Miti i fëmijës së mesit thotë se ata ndihen të harruar, marrin më pak vëmendje nga prindërit dhe shpesh luftojnë për të gjetur vendin e tyre në familje.
