Është folur shumë për të dhe më në fund është në treg: “Barbie Phone”, i lindur në vazhdën e suksesit të madh të filmit të Sofia Coppola “Barbie”, është një telefon i ri. U krijua nga bashkëpunimi mes Mattel dhe HMD Global, kompania që krijoi njëherë e një kohë Nokian.
Pajisja përfaqëson një shkrirje midis nostalgjisë së aksesorit ikonik të lodrave të Barbie dhe kërkesës në rritje për telefona të thjeshtë, pa shpërqendrime shumëfunksionale, të njohur si “telefonat me funksione bazike”.
Me një dizajn që të kujton fort stilin klasik të Barbie, në nuancat e rozës së fortë, telefoni është një version i ri-imagjinuar i Nokia 2660. Edhe pse nuk është një smartphone, ai ofron veçori themelore si telefonatat, mesazhet dhe një aparat fotografik.
Pajisja synon të blihet jo vetëm nga fansat e Barbiet, por edhe ata që kërkojnë një “detox dixhital”.
Pajisja ka një ekran TFT 2.8 inç, tastierë numerike, procesor 1 GHz, 64 MB RAM dhe 120 MB memorie të brendshme që mund të zgjerohet përmes microSD. Përfshin një kamerë me blic LED, bateri të lëvizshme 1450 mAh dhe lidhje 4G.
Telefoni i ri është në shitje me çmimin 129,99€, një shifër mbi mesataren në krahasim me telefonat e ngjashëm.
![Pinterest](https://pinterest.com/pin/create/button/?url=https://focusalbania.com/2024/09/06/gjithcka-qe-duhet-te-dini-per-telefonin-barbie-duke-perfshire-cmimin/&media=https://focusalbania.com/wp-content/uploads/2024/09/IMG_2396.jpeg&description=Është folur shumë për të dhe më në fund është në treg: "Barbie Phone", i lindur në vazhdën e suksesit të madh të filmit të Sofia){kind=link}