Ekipi olimpik i Kosovës ka mbyllur sot garat në Paris 2024.
Bilanci i këtyre Lojërave Olimpike ishte pozitiv për Kosovën, me një medalje të argjendtë dhe një të bronztë.
Ishte fillimisht Distria Krasniqi, ajo e cila vazhdon ta lartësojë shtetin e Kosovës, duke siguruar në Paris 2024 medaljen e parë , e dyta për të, kësaj radhe e argjendtë, pas asaj të arit në Tokio 2020.
Paraqitje dinjitoze kishte edhe Laura Fazliu, e cila ka shënuar një sukses të madh, pasi ka arritur ta fitojë medaljen e bronztë në Lojërat Olimpike ‘Paris 2024’.
Paraqitje shumë të mirë kishte edhe xhudisti Akil Gjakova, i cili iu afrua shumë medaljes kësaj radhe, pasi arriti deri në gjysmëfinale.
Boksierja Donjeta Sadiku, e nisi mirë pasi kaloi pengesën e parë në ‘Paris 2024’, duke mposhtur boksierjen nga Tajlanda, Thananya Somunek në kategorinë deri në 60 kilogramë, por në meçin e dytë, Sadiku u mposht nga kolumbiania Pana Valdes me pikë prej 3-2, duke përfunduar rrugëtimin në Lojërat Olimpike.
Notari Adell Sabovic nuk ka arritur të kualifikohet në raundin e dytë edhe pse përfundoi i dyti në baterinë e tij. Sabovic garoi në Lojërat Olimpike ‘Paris 2024’, disiplina e 100 metrave stil i lirë, ku e mbylli garën me kohë 51.77 sekonda, duke dalë i dyti në baterinë e tij.
