Situatë kritike paraqitet nga zjarri në Shëngjin. Flakët u janë afruar shumë afër resorteve e banesave, duke bërë që gjatë natës të evakuohen turistë të shumtë që po pushonin në këtë zonë, si edhe banorë të zonës.
Nga ora 07:00 e mëngjesit ka nisur ndërhyrja nga ajri me helikopter, për të neutralizuar flakët.
Flakët dolën jashtë kontrollit mesnatën e 30 korrikut, ndërsa policia bllokoi rrugën që të çon drejt zonës turistike të Ranës së Hedhun për të shmangur rrezikun për banorët dhe turistët.
20 mjete zjarrfikëse janë në terren nga disa qytete, Lezha, Mirdita, Kamza, Tirana e Berati Fieri, Lushnja, Vau i Dejës dhe Shkodra.
Flakët që ranë në Malin e Shëngjinit prej pasdites së 28 korrikut u riaktivizuan pasditen e së hënës.
