Xherdan Shaqiri, sulmuesi me origjinë shqiptare, i cili njihet edhe si një ikonë e futbollit zvicerian, ka njoftuar publikisht që nuk do të luaj më për kombëtaren zviceriane.
Në një postim në rrjetet sociale, Shaqiri njoftoi daljen e tij në pension dhe mes rreshtave futbollisti ka shprehur mirënjohjen e tij për kohën që kaloi me ekipin.
“Shtatë gara, shumë gola, 14 vite me ekipin A të kombëtares së Zvicrës dhe momente të paharrueshme. Koha që t’i them lamtumirë kombëtares. Kujtimet e mira do të mbesin dhe për këtë mund t’iu them të gjithëve: Faleminderit.”, shkruan futbollisti shqiptar.
Shaqiri ka kaluar në të gjitha grupmoshat me Zvicrën, ndërsa debutimin me ekipin e parë të ‘Helvetikëve’, 32-vjeçari e kishte bërë më datë 3 mars të vitit 2010.
