Për herë të parë në historinë e saj si klub, pas 117 vitesh nga themelimi, Atalanta ka fituar një trofe europian duke shkruar në Dublin të Irlandës historinë me fitimin e finales së Europa League, ndaj Bayer Leverkusenit 3-0.
Atëherë kur më pak pritej, Lookman në minutën e 12-të kalon italianët në avantazh duke treguar se ecurisë pozitive të Leverkusenit po i vinte fundit.
Por kur mendohej se do të vinte reagimi i gjermanëve, në minutën e 26-të është sërish Lookman që shënon edhe golin e dytë personal dhe për Atalantën.
Me këto shifra 2-0 u mbyllën 45 minutat e para, ndërkohë edhe e dyta fillon me të njëjtat ritme dhe Atalanta bëhet gati për trofeun rreth 15 minuta nga fundi i ndeshjes.
Pikërisht në të 75-n vrasësi i Leverkusenin është po i njëjti, Lookman i cili shënon edhe golin e tretë që mund të konsiderohet edhe goli i knockout-it.
Lookman shndërrohet në heroin e skuadrës së Gasperinit dhe padyshim të kapitenit tonë kuqezi dhe të tyre, Berat Gjimshiti i cili bëhet kshu lojtari i parë shqiptar që ngre një trofe të Europa League.
