Aleks Marku u arrestua nga forcat RENEA pasi terrorizoi dy fëmijët e tij të mitur, 6 dhe 11 vjeç, duke i mbajtur peng në banesë e duke qëlluar jashtë saj me kallashnikov.
40-vjeçari dyshohet se në momentin e ngjarjes ishte nën efektin e lëndëve narkotike. Marku kishte konflikte me bashkëshorten, pasi kjo e fundit ishte pajisur me urdhër-mbrojtje.
Forcat RENEA u përpoqën të bindin 40-vjeçarin të dorëzohej, por ai vijonte të qëllonte me armë nga dritarja e banesës.
Pas disa orësh negociata, policia arrestoi Markun dhe liroi dy fëmijët të cilët po marrin asistencë nga psikologët.
