Dihet që dy majat më të larta të maleve shqiptare janë Jezerca dhe Korabi. Dy malet tona kanë një diferencë vetëm 70 metra në lartësi nga njëra tjetra në favor të Korabit, por Jezerca mbetet maja më e rrezikshme në Shqipëri, më e vështira dhe më sfiduesja për alpinistët.
Maja e gurtë e saj, e shenjuar nga një kryq, kap kuotën e 2694 metrave dhe është maja më e lartë e Alpeve.
Shume thonë që emri Jezercë vjen nga serbo-kroatishtja dhe do të thotë “liqen ose pellg”, por kjo nuk është e vërtetë.
Emri i Jezerces ka të bëjë më së shumti me fjalën “jezer” që në gegënisht do të thotë mjegull, dhe aty është vërtet maja e mjegullt. Në majën e Jezercës, mjegulla është e pranishme shumicën e kohës.
