Para se iPhone dhe Samsung të bënin namin, ishte një tjetër mbret i tregut të telefonave: Nokia.
Ato duart që bashkoheshin kur ndizej, ajo kutia e mesazhit si zarf, mesazhet pa emoji, vetëm me fjalë apo ajo loja me gjarpër në ekranin bardhezi, nuk harrohen.
Ishte koha kur të gjithë donin një telefon dhe tregu ishte i kufizuar, pra pa shumë opsione.
Nokia 1100 është modeli më i shitur e telefonave i të gjitha kohërave.
250 milionë pajisje të shitura. I tregtuar që nga viti 2003, ai ka karakteristika që sot duken pothuajse parahistorike: pa kamera, ekran bardh e zi, bateri e lëvizshme dhe peshë prej vetëm 96 gramësh.
Nuk ka dalë nga tregu. Ende sot mund të blihet me çmime që variojnë nga 20 deri në 50 euro.
Të ka marrë malli?
