Pas dhjetëra teorish konspirative, nga më banalet dhe më shokueset, ku siç dihet shumica e njerëzve tentojnë të besojnë më të keqen dhe nuk kanë më durim për të vërtetën.
Princesha Kate Midelton ka dalë sot, e dobësuar,me një triko dhe xhinse dhe si fillim ka falenderuar ata që po i japin mbështetje dhe ka rrëfyer se prej disa muajsh po lufton me kancerin dhe po i nënshtrohet kimioterapisë. Lajmi vjen dy muaj pasi princesha e Uellsit u largua përkohësisht nga jeta publike pasi iu nënshtrua një operacioni për një gjendje abdominale jo-kancerogjene në muajin Janar.
“Në janar, iu nënshtrova një operacion abdominal në Londër dhe në atë kohë, mendohej se gjendja ime nuk ishte kanceroze. Kirurgjia ishte e suksesshme. Megjithatë, testet pas operacionit zbuluan se kanceri ishte i pranishëm. Prandaj ekipi im mjekësor më këshilloi që duhet t’i nënshtrohesha kimioterapive parandaluese dhe tani jam në fazat e hershme të atij trajtimi. Kjo sigurisht që ishte një tronditje e madhe dhe unë dhe William kemi bërë gjithçka që mundemi për ta menaxhuar këtë privatisht për hir të familjes sonë. Jam mirë dhe bëhem më e fortë çdo ditë duke u fokusuar në gjërat që do të më ndihmojnë të shërohem; në mendjen, trupin dhe shpirtin tim. Na është dashur kohë për t’i shpjeguar gjithçka George, Charlotte dhe Louis në një mënyrë që është e përshtatshme për ta dhe për t’i siguruar ata se do të jem mirë”, tha ajo.
