Ky Sanremo do të jetë i grave. Kështu thonë analizat lart e poshtë, por edhe një llogari e thjeshtë. Hera e fundit që festivalin më të rëndësishëm të muzikës italiane e ka fituar një grua ishte 10 vite më parë. Në 2014-ën ishte e fundit Arisa që mori çmimin e parë.
Gjithsesi këtë vit nuk janë shifrat që ndihmojnë gratë. Po t`u referohemi atyre, nga 30 konkurrentë, vetëm 9 janë vajza dhe gra. Janë historitë e tyre ato që i japin një dorë këtë vit.
Një nga pretendentet është Alessandra Amoroso e cila është rikthyer në Itali pas arratisjes së Kolumbi. Sulmet dhe kërcënimet me vdekje në rrjetet sociale e bënë të largohej disa kohë më parë.
Një tjetër pretendente është Loredana Berte me këngën Pazza. Ajo ka treguar edhe më herët dhunën në familje. Babain që e rrihte nënën në muajin e tetë të shtatzënisë, pllakat me gjak të tualet apo kur babai e rrahu mbi arkivolin e motrës së saj në morg. Motra e saj Mia Martini, një tjetër këngëtare e famshme italiane u gjet e vdekur në mesin e viteve `90, në shtëpinë e saj, në rrethana të çuditshme.
Edhe Rose Villain e mendon njësoj. Ajo thotë se këtë vit do fitojë një grua.
Sipas saj skena e Sanremos këtë vit jo më kot ka pamjen e një vulve.
