Duke filluar që nga mbrëmja e të mërkurës, reshjet e shiu, dëbora dhe era e fortë, do të përfshijnë vendin për disa ditë.
Meteorologia Lajda Porja, bëri me dije se dita e enjte do të ketë rebeshe intensive shiu në ultërsirën perëndimore pothuajse gjatë gjithë ditës.
Sa i takon temperaturave, do të ketë një rënie drastike të tyre, të cilat do të arrijnë deri në -5 gradë.
“Mbrëmjen e se enjtes dhe dita e premte të ketë një rënie të temperatuave dhe në mëngjes kjo do të sjellë reshje të dëborës në zonat malore. Të premten do të kemi rënie duke bërë që dhe fundjava të ketë -5, -6 gradë celcius në zonat verilindore dhe maksinalet nga 19 sot do të jenë jo më shumë se 12 gradë”, tha Porja.
Edhe Drejtoria e Përgjithshme Detare, ka paralajmëruar se do të ketë përkeqësim të situatës detare.
