30.5 C
Tirana
Tuesday, June 25, 2024
spot_img

Këtë fundjavë temperaturat shkojnë deri në -4 gradë! Do mbizotërojë i ftohti dhe shiu

Ekspertja e IGJEO Anira Gjoni e ftuar në emisioni “Wake Up”, bërë parashikimin e motit për këtë fundjavë, por edhe për ditët në vazhdim.

Ajo tregon se kjo fundjava që kemi para do jetë tepër e ftohtë, ku temperaturat do ulen deri në -4 gradë në zonat malore. Shiu do jetë i pranishëm deri ditën e nesërme dhe do fillojë sërish ditën e martë.

“Pasditja e sotme do të vazhdojë me reshje në të gjithë territorin e vendit, do të jenë reshje të niveleve mesatare duke filluar që nga veriu deri në jug dhe ndërpriten ditën e nesërme. Kemi një rënie të temperaturave, por rënia maksimale do të jetë të dielën në mëngjes, ku minimalet në zonat malore do zbresin -4 gradë dhe ato maksimalet do të regjistrojnë 7 gradë. Në zonat e ulëta temperaturat do të zbresin deri në 3 gradë, aty ku përfshihet dhe Tirana dhe maksimalet shkojnë në 10 gradë dhe në bregdet temperaturat zbresin në 7 gradë minimalet dhe ato maksimalet në 13 gradë.

Në këtë fundjavë jemi nën ndikimin e një fronti të ftohtë, qendra e presionit të ulët që ndodhet në Slloveni, Itali dhe Zvicër dhe ky front i ftohtë na kap dhe ne, i cili shoqërohet me këto temperatura shumë të ulëta. Do të jenë vetëm për fundjavën, gjatë javës do të kemi, të martën do të kemi rikthimin e reshjeve të shiut. Data nga 20 deri në 27 presim që të jetë më e ngrohtë dhe jo si kjo javë dhe e shoqëruar me reshje, ndërsa nga 27 deri në 4 dhjetor do të jenë temperaturat më të ulëta dhe do të jetë pa reshje”, tregon ekspertja e IGJEO Anira Gjoni.

Related Articles

- Advertisement -spot_img

Më të fundit