Në kushtet e temperaturave të larta që kanë përfshirë vendin ditët e fundit, mjekët rekomandojnë qytetarët të tregojnë kujdes. Më të rrezikuarit janë fëmijët dhe të moshuarit.
“Një nga problematikat më të mëdha është goditja nga të nxehtit, nëse femija apo i rrituri preket mund të ketë edhe probleme madhore deri në gjendje të rendë shëndetesore.
Qytetarët duhet të shmangin ekspozimin ne diell në orët e pikut, si dhe të konsumojnë shumë lëngje.
“Ekspozimi ne temperaturat nga ora 10 deri ne oren 17 nuk duhet bere. Duhet te qendrojne ne shtepi ne ambiente te fresketa. Duhet të jene te hidratuar, nuk duhet te mungojne lengjet, uji. Te pakten te konsumojne nga 2 deri ne 5 litra uje ne dite. Kujdes te madh duhet bere me ushqimet. Nuk duhen konsumuar ushqimet që mbahen gjatë në frigorifer.”
Sipas mjekëve, kujdes të veçantë në këtë periudhë duhet treguar me kondicionerin.
“Ështe nje problematike qe e shohim shume. Nje nga shkaktaret kryesore qe femijet ftohen. Diferenca nga kondicioneri nuk duhet te jete 5 apo 6 grade me temperaturën e jashtme. Nese jashtë është 41 maksimumi në diell brenda kondicioneri duhet te jetë 30.”
Vendi është përfshirë gjatë kësaj jave nga temperatura të larta, ku vlerat më esktreme priten të regjistrohen të premten dhe të shtunën deri në 42 gradë. Qarqet më të prekura nga i nxehti ekstrem janë Elbasani, Berati, Gjirokastra dhe Tirana.
